Yarim himoyachi Pol Pogba «Monako»ning «Mes»ga qarshi o‘yini uchun asosiy tarkibga kiritildi (bahs bir necha daqiqa avval boshlandi). Bu u uchun deyarli uch yil ichida ilk bor asosiy tarkibda maydonga tushish bo‘ldi.
Pogba oxirgi marta biron bir klubning asosiy tarkibida 2023 yilning 14 may kuni maydonga tushgan edi — o‘shanda u «Yuventus» safida «Kremoneze»ga qarshi o‘ynagan. O‘sha kundan beri roppa-rosa 1083 kun o‘tdi va nihoyat bu voqea yana takrorlandi.
Eslatib o‘tamiz, ayni damda «Monako» Fransiya chempionati turnir jadvalida yettinchi o‘rinni egallab turibdi. Klub oxirgi marta 2017 yilda, tarkibida Kilian Mbappe bo‘lgan vaqtda mamlakat chempioniga aylangan edi.
