«Шальке» Германия Бундеслигасига қайтди.
2 май куни гельзенкирхенликлар ўз майдонида Иккинчи Бундеслиганинг 32-тури доирасида «Фортуна»ни мағлуб этишди — 1:0. Учрашувдаги ягона гол 15-дақиқада Кенан Караман томонидан киритилди.
Чемпионат якунланишига икки тур қолганда «Шальке» 67 очко билан турнир жадвалида пешқадамлик қилмоқда. Мирон Муслич шогирдлари учинчи ўриндаги (Бундеслигага чиқиш учун ўтиш ўйинларида иштирок этиш ҳуқуқини берувчи поғона) «Ганновер»дан 10 очкога ўзиб кетди.
Шу тариқа, «Шальке» 2023 йилда юқори дивизионни тарк этганидан бери илк бор яна Бундеслигада иштирок этадиган бўлди.
