«Shalke» Germaniya Bundesligasiga qaytdi.
2 may kuni gelzenkirxenliklar o‘z maydonida Ikkinchi Bundesliganing 32-turi doirasida «Fortuna»ni mag‘lub etishdi — 1:0. Uchrashuvdagi yagona gol 15-daqiqada Kenan Karaman tomonidan kiritildi.
Chempionat yakunlanishiga ikki tur qolganda «Shalke» 67 ochko bilan turnir jadvalida peshqadamlik qilmoqda. Miron Muslich shogirdlari uchinchi o‘rindagi (Bundesligaga chiqish uchun o‘tish o‘yinlarida ishtirok etish huquqini beruvchi pog‘ona) «Gannover»dan 10 ochkoga o‘zib ketdi.
Shu tariqa, «Shalke» 2023 yilda yuqori divizionni tark etganidan beri ilk bor yana Bundesligada ishtirok etadigan bo‘ldi.
