Испаниялик мутахассис Сеск Фабрегас Италиянинг амалдаги чемпиони — «Наполи»га қарши қайд этилган голсиз дурангдан унчалик мамнун эмаслигини билдирди. Унинг сўзларига кўра, жамоа бундан кўпроғига эришиши мумкин эди.

«Ҳисобдан қониқдимми? Ўйинчиларимнинг маҳорати ва амбицияларини ҳисобга олсак, ўзимни қониққан деб айта олмайман. Биз рақибдан кўра кўпроқ вазият яратдик ва имкониятларимиз ҳам кўпроқ эди. Кўп марта тўпни олиб қўйишга эришдик, бу ҳам яхши кўрсаткич. Аммо умуман олганда, бу баҳс бутун мавсум давомидаги мен унчалик мамнун бўлмаган бешта ўйин қаторига киради», — дея Фабрегаснинг сўзларини келтирмоқда calcionapoli1926.it.

Айни дамда «Комо» Италия чемпионати турнир жадвалида бешинчи ўринни эгаллаб турибди.