Лондоннинг «Арсенал» клуби бош мураббийи Микель Артета Майлз Льюис-Скеллининг ўйини ҳақида ўз фикрлари билан ўртоқлашди. Шанба куни 19 ёшли футболчи «канонирлар»га «Фулхэм»ни тор-мор этишда (3:0) ёрдам берди ва учрашувни бошидан охиригача майдонда ўтказди.
«У бунга лойиқ эди. Мен унга нисбатан қаттиққўл бўлдим. У ўтган йили биринчи жамоада пайдо бўлган илк кезларидаёқ ўзини ажойиб кўрсатганди. Кейинчалик унда қийинчиликлар юзага келди, бироқ у хотиржамликни сақлаб қолди, бор эътиборини ишга қаратди ва талабларга қулоқ тутди. Мен унинг тайёр эканлигини билардим. Майлз ҳар бир машғулотда ўз салоҳиятини исботлаб келди ва «Фулхэм» билан ўйинда ҳақиқий юксалишга эришди. Ҳайратланарли иштирок», – деди Артета матбуот анжуманида.
Сешанба куни, 5 май санасида «Арсенал» Чемпионлар лигаси ярим финали доирасида «Атлетико»га қарши жавоб учрашувини ўтказади.
