Бирмингемнинг «Астон Вилла» клуби ҳужумчиси, ҳозирда ижара асосида «Рома»да тўп тепаётган Дониэлл Мален бир нечта Европа клубларининг қизиқишлар доирасида турибди.
Corriere dello Sport нашрининг хабарига кўра, нидерландиялик форвардни ўз сафига қўшиб олишни Каталониянинг «Барселона», «Манчестер Юнайтед», Лондоннинг «Челси» ва «Ньюкасл» клублари истамоқда. Футболчининг трансфер нархи 35 миллион еврони ташкил этади.
Италия А Сериясининг жорий мавсумида Мален 14 та учрашув ўтказди. Ҳужумчи ўз ҳисобига 11 та гол ва битта голли узатмани ёздириб қўйишга муваффақ бўлди. 27 ёшли нидерландиялик футболчи ва «бўрилар» ўртасидаги ижара шартномаси 2026 йилнинг июнь ойи охирида якунига етади.
