«Манчестер Юнайтед» ярим ҳимоячиси Бруну Фернандеш «Ливерпуль» ҳужумчиси Муҳаммад Салоҳ ҳақида нима деб ўйлашини айтди. Якшанба куни Премьер-лиганинг 35-тури доирасида «қизил иблислар» ўз майдонида мерсисайдликларни қабул қилади. Мисрлик футболчи жароҳати сабабли ушбу учрашувни ўтказиб юборади.
«Салоҳ — АПЛдаги энг яхши голеадорларидан бири. Ҳа, унда голсиз серия бўлди, лекин бу нимани англатади? Сиз менга унинг маҳоратини йўқотиб қўйганини айтмоқчимисиз? Йўқ, асло ундай эмас», — дея «Юнайтед» сардори Фернандешнинг сўзларини келтиради The Touchline нашри.
«МЮ» — «Ливерпуль» баҳси Тошкент вақти билан соат 19:30 да бошланади. Муҳаммад Салоҳ 2017 йилдан бери «қизиллар» сафида тўп тепиб келмоқда. 33 ёшли форвард мавсум якунида клубни тарк этади.
