"Реал" яримҳимоячиси Хаби Алонсо ҳамон "Ювентус" қизиқиш доирасида бўлиб турибди.
Турин клуби 31 ёшли испаниялик атрофида бўлаётган ҳодисалардан фойдаланиб қолмоқчи. Чунончи, Алонсонинг жароҳат олиб яна 3 ойга сафдан чиқиши унинг "Реал" билан шартномасини узайтириш борасидаги музокараларнинг тўхтаб қолишига сабаб бўлган.
Ушбу яримҳимоячининг "қироллик клуби" билан шартномаси келаси йил ёзида якунига етади ва агар унинг муддати узайтирилмаса, "Ювентус" Алонсони бепул ўз таркибига қўшиб олишни, жамоада уни Андреа Пирлонинг ўринбосари сифатида кўришни режалаштирган. Айтиш жоиз, Пирло ҳам эркин агент мақомини олишига бир йилдан камроқ вақт қолган.