Англиянинг «Ньюкасл» клуби «Милан»нинг чап қанот ҳимоячиси Давиде Бартезагини сотиб олишдан манфаатдор. Инсайдер Маттео Моретто берган хабарга кўра, инглиз жамоаси скаутлари футболчининг ўйинини ўрганиш ва унинг ривожланишини кузатиш учун Миланга ташриф буюришган.
20 ёшли клуб тарбияланувчисининг Италия жамоаси билан амалдаги шартномаси 2030 йил ёзигача мўлжалланган. Оммавий ахборот воситаларининг маълумотларига кўра, «Милан» Бартезаги билан келишувни 2031 йилгача узайтиришни ва унинг маошини оширишни режалаштирмоқда.
Маълум қилинишича, ҳозирда футболчи йилига тахминан 500-600 минг евро маош олмоқда. Янги шартномага кўра, унинг маоши 1,5 миллион еврогача кўтарилади. Жорий мавсумда Италия ёшлар терма жамоаси аъзоси барча турнирларда 30 та ўйинда майдонга тушиб, иккита гол ва битта голли узатмани амалга оширди.
