«Манчестер Юнайтед» бош мураббийи Майкл Кэррик «Ливерпуль» ҳужумчиси Муҳаммад Салоҳ ҳақида ўз фикрларини билдирди. Мисрлик юлдуз жамоалар ўртасидаги бўлажак баҳсни ўтказиб юборади. Учрашув якшанба куни «Олд Траффорд» стадионида бўлиб ўтади.
Мерсисайдликлар сафидаги сўнгги мавсумини ўтказаётган Салоҳ жароҳати сабабли ушбу принципиал тўқнашувда иштирок эта олмайди.
«Салоҳнинг йўқлиги биз учун фойдалими? Мен бундай демаган бўлардим, чунки "Ливерпуль"да ажойиб ўйинчилар жуда кўп. Уларнинг таркиби жуда кучли ва у ерда индивидуал маҳоратга эга футболчилар етарлича топилади. Бироқ, шуни тан олиш керакки, Салоҳ шу йиллар давомида энг яхшилардан бири бўлиб келди. У узоқ вақт давомида чемпионатнинг кўрки бўлди ва бу катта ҳурматга лойиқ», — деди Каррик матбуот анжуманида.
«МЮ» ва «Ливерпуль» ўртасидаги баҳс Тошкент вақти билан 19:30 да старт олади.
