Англиянинг «Ливерпуль» клуби «Манчестер Юнайтед»га қарши баҳсда 2:3 ҳисобида имкониятни бой бериб, муваффақиятсизликка учради. Бундан ташқари, ушбу ўйинда стандарт вазиятлардан ўтказиб юборилган голлар бўйича клубнинг янги антирекорди ўрнатилди (пенальтилар ҳисобга олинмаган) — 17 та гол.

Бу АПЛнинг илк мавсуми ҳисобланган 1992/1993 йилги кўрсаткичдан биттага кўп демакдир. Ўшанда «Ливерпуль» унчалик омадли кечмаган мавсум давомида стандартлардан 16 та гол ўтказиб юборган эди. Ўша йилнинг ноябрь ойида жамоа Кубок эгалари кубоги доирасида Москванинг «Спартак» клубидан ҳам мағлубиятга учраганди (Москвада 4:2, «Энфилд»да 2:0). Ҳозирда «Ливерпуль» Англия чемпионати турнир жадвалида тўртинчи ўринни эгаллаб турибди.