Мадриднинг «Реал» клуби бош мураббийи Альваро Арбелоа Килиан Мбаппенинг муддатидан аввал таътилга чиққани ҳақида фикр билдирди.
Жароҳат олган франциялик футболчи Сардинияга йўл олиб, у ерда севгилиси билан ҳордиқ чиқармоқда. Якшанба куни «қаймоқранглилар» Ла Лига доирасида ўзларининг энг яхши тўпурарисиз «Эспаньол»ни мағлуб этишди (2:0). Матбуот анжуманида журналистлар жамоа устозидан кетиб қолган ҳужумчи ҳақидаги фикрлари билан ўртоқлашишни сўрашди.
«Мбаппенинг таътили? Ҳар бир футболчи ўзининг бўш вақтида нимани хоҳласа, шуни қилиши мумкин. Мен унинг шахсий ишларига аралашмайман», — дея жавоб берди Арбелоа Килианнинг Италияга сафари ҳақидаги саволга.
