Madridning «Real» klubi bosh murabbiyi Alvaro Arbeloa Kilian Mbappening muddatidan avval ta’tilga chiqqani haqida fikr bildirdi.

Jarohat olgan fransiyalik futbolchi Sardiniyaga yo‘l olib, u yerda sevgilisi bilan hordiq chiqarmoqda. Yakshanba kuni «qaymoqranglilar» La Liga doirasida o‘zlarining eng yaxshi to‘purarisiz «Espanyol»ni mag‘lub etishdi (2:0). Matbuot anjumanida jurnalistlar jamoa ustozidan ketib qolgan hujumchi haqidagi fikrlari bilan o‘rtoqlashishni so‘rashdi.

«Mbappening ta’tili? Har bir futbolchi o‘zining bo‘sh vaqtida nimani xohlasa, shuni qilishi mumkin. Men uning shaxsiy ishlariga aralashmayman», — deya javob berdi Arbeloa Kilianning Italiyaga safari haqidagi savolga.