Мадриднинг «Реал» клуби бош мураббийи Альваро Арбелоа жамоадаги муаммолар мавзусига тўхталиб ўтди. Якшанба куни «қаймоқранглилар» «Эспаньол»дан устун келишди (2:0) ва «Барселона»нинг чемпионлигини камида бир ҳафтага кечиктиришди.
«Барча жамоалар биздан кўра кўпроқ югуришмоқда. Биз кўпроқ ҳаракат қилишимиз, прессинг уюштиришимиз ва ҳимояланишимиз керак. Замонавий футболда фақатгина иқтидор эвазига ғалаба қозониб бўлмайди — футболчилар буни тушуниб етишлари шарт», — дея Арбелоанинг ўйиндан кейинги фикрларини келтирмоқда Madrid Zone.
