«Манчестер Сити» устози Хосеп Гвардиола Райан Шерки ҳақидаги фикрлари билан ўртоқлашди. Франциялик футболчи «шаҳарликлар» сафида ёрқин ўйин кўрсатмоқда, ваҳоланки, аввалроқ у ўзининг «тизимга тушмаслиги» сабабли испаниялик мутахассис жамоасига мос келмаслиги мумкинлиги тахмин қилинган эди.
— Шерки Гвардиола учун хос бўлмаган футболчими? Яхши савол! Ўзи Гвардиоланинг «типик футболчиси» ким?
— Гюндоган, Месси...
— Ҳа, тўғри. Лекин менда «типик футболчилар» йўқ. Шерки биз учун бироз ўзгача туюлса-да, бу унинг дебют мавсумини кўнгилдагидек ўтказишига халақит бермаяпти. Мен бундай гапларга ишонмайман. Шу шунчаки яхши ва унчалик яхши бўлмаган футболчилар бор. Агар сиз кучли бўлсангиз, исталган жамоадан жой топа оласиз. Райан менинг ўйин услубимга шубҳасиз мос тушади, — деди Пеп матбуот анжуманида.
Эслатиб ўтамиз, Шерки ўтган йилнинг ёзида «Лион»дан «Манчестер Сити»га кўчиб ўтган эди.
