«Manchester Siti» ustozi Xosep Gvardiola Rayan Sherki haqidagi fikrlari bilan o‘rtoqlashdi. Fransiyalik futbolchi «shaharliklar» safida yorqin o‘yin ko‘rsatmoqda, vaholanki, avvalroq u o‘zining «tizimga tushmasligi» sababli ispaniyalik mutaxassis jamoasiga mos kelmasligi mumkinligi taxmin qilingan edi.
— Sherki Gvardiola uchun xos bo‘lmagan futbolchimi? Yaxshi savol! O‘zi Gvardiolaning «tipik futbolchisi» kim?
— Gyundogan, Messi...
— Ha, to‘g‘ri. Lekin menda «tipik futbolchilar» yo‘q. Sherki biz uchun biroz o‘zgacha tuyulsa-da, bu uning debyut mavsumini ko‘ngildagidek o‘tkazishiga xalaqit bermayapti. Men bunday gaplarga ishonmayman. Shu shunchaki yaxshi va unchalik yaxshi bo‘lmagan futbolchilar bor. Agar siz kuchli bo‘lsangiz, istalgan jamoadan joy topa olasiz. Rayan mening o‘yin uslubimga shubhasiz mos tushadi, — dedi Pep matbuot anjumanida.
Eslatib o‘tamiz, Sherki o‘tgan yilning yozida «Lion»dan «Manchester Siti»ga ko‘chib o‘tgan edi.
