"Атлетик" яримҳимоячиси Андер Эррера фаолиятини Англияда давом эттириши мумкин.

Испания олимпия терма жамоасининг 24 ёшли собиқ ўйинчисини "Манчестер Юнайтед" ўз таркибида кўришга қизиқиб қолган.

Marca томонидан тарқатилган хабарда айтилишича, "қизил иблислар" ушбу яримҳимоячи учун 30 миллион евро тўлашга тайёрликларини билдиришган, аммо басклар клуби рад жавобини бериб, яна 6 миллион қўшишни сўраган.

Айни шу сумма Эрреранинг шартномасида кўрсатиб ўтилгани айтилмоқда.

Нашрнинг қайд этишича, "МЮ" Эррерага ҳозирга келиб Маруан Феллайни ("Эвертон") ва Месут Озил ("Реал")лар билан музокараларда муаммолар бўлаётгани учун эътибор қаратган.