«Манчестер Юнайтед» марказий ярим ҳимоячиси Кобби Майну Майкл Кэррик бошқаруви остидаги иш жараёни ҳақида гапириб берди. Инглиз мутахассиси январь ойида бош мураббий этиб тайинланганидан бери, манкунианликлар Англия Премьер-лигасининг 14 та турида 10 та ғалабани қўлга киритишди. Айни дамда жамоа турнир жадвалининг учинчи поғонасини эгаллаб турибди.
«Мавсум давомида вазиятни ижобий томонга ўзгартира олганимиздан хурсандман. Бунинг учун барча футболчилар ва мураббийга раҳмат айтиш керак. У бунда муҳим роль ўйнади ва футболчиларга ишонч бағишлади. Унинг ортидан боришни, у учун курашишни ва майдонда у учун жон беришни истайсан», — дея хавбекнинг сўзларини келтирмоқда Sky Sports.
