«Манчестер Юнайтед» жамоа сардори Бруну Фернандешнинг вориси сифатида «Астон Вилла» ярим ҳимоячиси Морган Рожерс номзодини кўриб чиқмоқда. Бу ҳақда The Telegraph нашри журналисти Жейсон Берт хабар берди.

Манбага кўра, «қизил иблислар» 23 ёшли футболчини келажакда асосий «ўнлик» (плеймейкер) позицияси учун муносиб номзод деб ҳисобламоқда.

Шу билан бирга, Роджерснинг универсаллиги ҳам юқори баҳоланмоқда — у нафақат марказда, балки чап қанот ҳужумида ҳам самарали ҳаракат қила олади. Айнан жамоанинг чап қанотини кучайтириш «МЮ»нинг ёзги трансфер ойнасидаги устувор режаларидан бири бўлиб турибди.