«Пари Сен-Жермен» ҳимоячиси Нуну Мендеш УЕФА Чемпионлар лигаси ярим финали доирасидаги «Бавария»га қарши кечган биринчи ўйинда (5:4) майдонга тушди. Шу тариқа, у Кўҳна қитъанинг энг нуфузли клуб турнирида 50 та учрашув ўтказган энг ёш португалиялик футболчи сифатида тарихга кирди.

Мюнхенликларга қарши баҳс пайтида Мендеш 23 ёш 313 кунлик эди. Аввалги рекорд «Спортинг», «Манчестер Юнайтед», «Реал» ва «Ювентус» собиқ ҳужумчиси Криштиану Роналдуга тегишли бўлиб, у ушбу маррани 24 ёш 83 кунлигида забт этган эди.

Нуну Мендеш жорий мавсумда барча мусобақаларда 39 та ўйинда майдонга тушиб, 6 та гол урди ва 7 та голли узатмани амалга оширди. Футболчининг трансфер қиймати 75 миллион еврога баҳоланмоқда.