Мадриднинг «Атлетико» клуби бош мураббийи Диего Симеоне Чемпионлар лигаси ярим финали доирасида «Арсенал»га қарши бўлиб ўтадиган жавоб учрашуви олдидан ўз фикрлари билан ўртоқлашди. Испания пойтахтида ўтган дастлабки баҳсда 1:1 ҳисобидаги дуранг қайд этилган эди.
«Биз ўйин талабларини тўғри англаган ҳолда ва футболчиларимиз ўзларининг энг юқори даражасини кўрсатишлари учун керак бўлган услубда ўйнашга ҳаракат қиламиз. Нимани хоҳлаётганимизга ишончимиз комил. Бироқ ҳамма нарса ҳам бизга боғлиқ бўлмайди», — дея аргентиналик мутахассиснинг сўзларидан иқтибос келтиради УЕФА матбуот хизмати.
Симеоненинг қўшимча қилишича, «Атлетико»нинг ўйин учун аниқ режаси бор ва жамоа уни майдонда амалга оширишга интилади. «Арсенал» — «Атлетико» учрашуви 5 май куни Лондондаги «Эмирейтс» стадионида бўлиб ўтади. Учрашув Тошкент вақти билан соат 00:00 да бошланади.
