«Челси» бош мураббийи вазифасини бажарувчи Калум Макфарлан АПЛнинг 35-туридаги мағлубиятга изоҳ берди. Лондонликлар ўз майдонларида лигада жон сақлаб қолиш учун курашаётган «Ноттингем Форест» жамоасига 1:3 ҳисобида имкониятни бой беришди. Ушбу мағлубият «Челси» учун Премьер-лига доирасидаги кетма-кет олтинчи муваффақиятсизлик бўлди.

«Биз ишонишда давом этамиз. Йигитларни ҳар куни кўриб турибмиз ва улар қўлларидан келган барча ишни қилишмоқда. Биз тезда олдинга ҳаракат қилишимиз керак ва ҳозир айнан муносиб жавоб қайтариш вақти келди», — дея Макфарланнинг сўзларини келтиради футбол инсайдери Фабрицио Романо ўзининг Телеграм-каналида.

Ушбу мағлубиятдан сўнг «Челси» 48 очко билан тўққизинчи ўринда қолмоқда. Навбатдаги турда лондонликлар сафарда «Ливерпуль» меҳмони бўлишади.