«Chelsi» bosh murabbiyi vazifasini bajaruvchi Kalum Makfarlan APLning 35-turidagi mag‘lubiyatga izoh berdi. Londonliklar o‘z maydonlarida ligada jon saqlab qolish uchun kurashayotgan «Nottingem Forest» jamoasiga 1:3 hisobida imkoniyatni boy berishdi. Ushbu mag‘lubiyat «Chelsi» uchun Premyer-liga doirasidagi ketma-ket oltinchi muvaffaqiyatsizlik bo‘ldi.
«Biz ishonishda davom etamiz. Yigitlarni har kuni ko‘rib turibmiz va ular qo‘llaridan kelgan barcha ishni qilishmoqda. Biz tezda oldinga harakat qilishimiz kerak va hozir aynan munosib javob qaytarish vaqti keldi», — deya Makfarlanning so‘zlarini keltiradi futbol insayderi Fabrisio Romano o‘zining Telegram-kanalida.
Ushbu mag‘lubiyatdan so‘ng «Chelsi» 48 ochko bilan to‘qqizinchi o‘rinda qolmoqda. Navbatdagi turda londonliklar safarda «Liverpul» mehmoni bo‘lishadi.
