Матбуот анжумани чоғида журналист «Арсенал» бош мураббийи Микель Артетани «Манчестер Сити» иштирокидаги ўйинни пабда томоша қилишга таклиф қилди.

— Ассалому алайкум, Микель. Сиз «тарих» ва «интиқлик билан кутиш» каби ҳиссиётларга бой сўзларни ишлатдингиз. Одатда, уй учрашувлари олдидан сиз билан бунчалик кеч вақтда гаплашмасдик. Бугун оқшом қандай ҳордиқ чиқарасиз? Яхши ухлай оласизми? Агар ухлашга қийналсангиз, биз «Эвертон» ва «Сити» ўртасидаги баҳсни томоша қилиш учун пабга бормоқчимиз, у ерда бемалол ҳордиқ чиқариш мумкин.

— Мен, албатта, яхши ухлайман. Кеч соатларгача ишлашга ўрганиб қолганман, шу боис бу борада ҳеч нарса ўзгаргани йўқ. Аммо бир нарса ўзгарди — эртага биз Чемпионлар лигаси ярим финалида ўйнаймиз. Бу ажойиб, — деди Артета «Атлетико» билан ўйин олдидан ўтказилган матбуот анжуманида.

Эртага «тўпчилар» ЧЛ ярим финалининг жавоб учрашувида Мадрид клубини қабул қилишади (биринчи ўйин — 1:1).

«Манчестер Сити» эса АПЛнинг 35-тури доирасида «Эвертон»га қарши майдонга тушган (биринчи бўлимдан сўнг ҳисоб — 1:0).