Бугун, 5 май куни Саудия Арабистони майдонларида футбол бўйича ўсмирлар ўртасидаги навбатдаги Осиё кубоги (U-17) баҳсларига старт берилади. Қитъа биринчилигининг илк кунида "А" ва "Б" гуруҳи вакиллари иштирокида жами тўртта учрашув бўлиб ўтади.
Кун тақвимидан қуйидаги баҳслар ўрин олган:
"Б" гуруҳи:
-
21:00. Япония — Қатар
-
21:30. Индонезия — Хитой
"А" гуруҳи:
-
22:00. Саудия Арабистони — Мьянма
-
22:30. Тожикистон — Таиланд
Эътиборли жиҳати, ОФК ушбу мусобақанинг гуруҳ босқичи трансляцияси бўйича кутилмаган қарор қабул қилган. Маълум қилинишича, гуруҳ ўйинлари тўлиқ профессионал теле-трансляция қилинмайди ва баҳслар фақатгина битта камера орқали ОФКнинг YouTube’даги расмий саҳифасида жонли эфирга узатилади. Профессионал кўп камерали трансляциялар эса плей-офф босқичидан бошлаб йўлга қўйилиши режалаштирилган.
