Испаниянинг «Вильярреал» клуби бош мураббийлик пости учун асосий номзодни аниқлаб олди. Хабарларга кўра, жамоани Иньиго Перес бошқариши кутилмоқда.
Манбанинг таъкидлашича, Перес кеча лавозимини тарк этган Марселино Гарсия Торалнинг ўрнига асосий даъвогар бўлиб турибди. Томонлар ўртасидаги музокаралар якуний босқичга кирган ва мутахассис учун 2028 йилгача мўлжалланган шартнома тайёрланмоқда.
Иньиго Перес сўнгги вақтларда «Райо Вальекано»даги фаолияти орқали мутахассислар эътиборини тортган эди. Эндиликда у «сариқ сувости кемаси» лойиҳасини ўз қўлига олиши кутилмоқда.
