Ўзбекистон футбол ассоциацияси ҳамда Озарбайжон футбол федерациялари ассоциацияси делегациялари иштирокида учрашув бўлиб ўтди.
Унда икки томонлама ҳамкорликни ривожлантириш, тажриба алмашиш ва футбол соҳасининг устувор йўналишлари муҳокама қилинди.
Хусусан, ҳакамлик тизимини такомиллаштириш, ёш ҳакамларни қўллаб-қувватлаш ҳамда уларнинг малакасини ошириш масалаларига алоҳида эътибор қаратилди. Шунингдек, футболни рақамлаштириш, замонавий IT ечимлардан фойдаланиш ва болалар-ўсмирлар футболини ривожлантириш йўналишлари юзасидан фикр алмашилди.
Учрашув якунида томонлар ҳамкорликни янада мустаҳкамлаш ва қўшма лойиҳаларни давом эттиришга келишиб олди.













