Леверкузеннинг «Байер» клуби чап қанот ҳимоячиси Алехандро Гримальдо Европа грандлари эътиборида бўлиб турибди. Аввалроқ испаниялик футболчига даъвогарлар қаторида «Барселона» ва «Милан» номлари тилга олинганди, шунингдек, «Бавария» ҳақида ҳам миш-мишлар тарқалган эди.

Tuttosport нашри берган маълумотларга кўра, Гримальдони ўз сафига қўшиб олиш имкониятини «Ювентус» ҳам кўриб чиқмоқда. Туринликлар ушбу ўйинчини уч йилдан бери кузатиб келишмоқда. 30 ёшли футболчининг амалдаги шартномаси бир йилдан сўнг якунига етади, шу сабабли у 15 миллион евро эвазига сотилиши мумкин.

Жорий мавсумда Алехандро Гримальдо «Байер» таркибида барча турнирларда 44 та ўйинда майдонга тушиб, 14 та гол урди ва 12 та голли узатмани амалга оширди. Transfermarkt экспертлари латералнинг бозор қийматини 24 миллион еврога баҳоламоқда.