Мадриднинг «Атлетико» клуби дарвозабони Ян Облак жамоадоши Антуан Гризманнинг тез орада клубни тарк этиши ҳақидаги саволга жавоб берди. «Матрасчилар» клуб афсонасига айланган франциялик футболчининг охирги мавсумида Чемпионлар лигаси финалига чиқа олишмади. Ёзда ҳужумчи «Орландо Сити»га ўтади — шартнома аллақачон имзолаб бўлинган.

«Гризманн ўзини ҳар томонлама ажойиб кўрсата олди. Нафақат у учун, балки «Атлетико»нинг барча мухлислари учун ҳам жуда афсусдамиз. Ҳамма финални кутганди, лекин биз у ерга чиқа олмадик. Бу жуда оғир», — деди Облак ўйиндан кейинги интервьюсида.