Бразилиялик ярим ҳимоячи Каземиро амалдаги клуби — «Манчестер Юнайтед» билан меҳнат шартномасини узайтириш эҳтимоли ҳақида фикр билдирди.

«Яна бир йил? Ҳеч қачон. Мен шараф билан кетишга қарор қилдим. «МЮ»да тўртта ажойиб йилни ўтказдим ва ҳаммаси учун миннатдорман. Ҳаммаси тугади. Бу боб якунланди», — дея ярим ҳимоячининг сўзларини келтиради ESPN.

Эслатиб ўтамиз, тажрибали бразилиялик футболчи 2022 йилдан буён «қизил иблислар» шарафини ҳимоя қилиб келмоқда. Томонлар ўртасидаги шартнома июнь ойида ўз ниҳоясига етади. АПЛнинг жорий мавсумида 34 ёшли Каземиро манкунианликлар сафида 33 та ўйинда майдонга тушди. Юлдузли ярим ҳимоячи ушбу баҳсларда 9 та гол урди ва 2 та голли узатмани амалга оширди.