«Манчестер Сити»нинг португалиялик ярим ҳимоячиси Бернарду Силванинг агенти Жорже Мендеш ўз мижозининг «Барселона»га трансфери бўйича ишларни тезлаштирмоқда. Манбанинг хабарига кўра, яқин вақт ичида томонлар ўртасида эҳтимолий ҳамкорлик бўйича жиддий музокаралар бошланади.
Аввалроқ, Силва жорий мавсум якунланганидан сўнг «Манчестер Сити»ни эркин агент сифатида тарк этиши маълум бўлган эди. Жорий мавсумда 31 ёшли Силва барча турнирларни инобатга олган ҳолда 48 та учрашувда майдонга тушиб, 3 та гол урди ва 5 та голли узатмага муаллифлик қилди.
Transfermarkt портали маълумотларига кўра, ярим ҳимоячининг бозор қиймати 27 миллион еврони ташкил этади.
