«Manchester Siti»ning portugaliyalik yarim himoyachisi Bernardu Silvaning agenti Jorje Mendesh o‘z mijozining «Barselona»ga transferi bo‘yicha ishlarni tezlashtirmoqda. Manbaning xabariga ko‘ra, yaqin vaqt ichida tomonlar o‘rtasida ehtimoliy hamkorlik bo‘yicha jiddiy muzokaralar boshlanadi.
Avvalroq, Silva joriy mavsum yakunlanganidan so‘ng «Manchester Siti»ni erkin agent sifatida tark etishi ma’lum bo‘lgan edi. Joriy mavsumda 31 yoshli Silva barcha turnirlarni inobatga olgan holda 48 ta uchrashuvda maydonga tushib, 3 ta gol urdi va 5 ta golli uzatmaga mualliflik qildi.
Transfermarkt portali ma’lumotlariga ko‘ra, yarim himoyachining bozor qiymati 27 million yevroni tashkil etadi.
