Мадриднинг «Атлетико» клуби ярим ҳимоячиси Коке Чемпионлар лигаси ярим финалида «Арсенал»дан учралган мағлубиятга изоҳ берди. «Матрасчилар» Лондонда кечган жавоб учрашувида минимал ҳисобда имкониятни бой беришди. Дастлабки ўйинда 1:1 ҳисобидаги дуранг қайд этилган эди.
«Мен «Арсенал» биздан устун бўлди деб ҳисобламайман, бу эса мени янада ғазаблантирмоқда. VAR эҳтимолий пенальти вазиятига аралашмади... Ўша лаҳзада биз рақибдан устунлик қилаётган эдик. Умид қиламанки, қачондир ҳакамлар бизнинг фойдамизга қарор чиқарадиган мавсум ҳам келади», – дея Кокенинг сўзларини келтиради The Touchline.
