Франциялик ҳужумчи Килиан Мбаппени Мадриднинг «Реал» клубидан кетишини талаб қилувчи петиция 11 миллиондан ортиқ имзо тўплади.
Аввалроқ, Килиан жамоадаги айрим шерикларининг, жумладан Винисиус Жуниорнинг хатти-ҳаракатларидан норози экани хабар қилинганди. Шунингдек, футболчи Испания чемпионатининг 35-туридаги «Барселона»га қарши ўйин олдидан Италияга дам олиш учун йўл олгани сабаб мухлислар танқидига учради. Шу билан бирга, Мбаппе 24 апрель куни Ла Лига доирасида «Бетис» (1:1)га қарши учрашувда олган жароҳатидан тикланмоқда. «Барселона»га қарши баҳс 10 май куни бўлиб ўтади.
27 ёшли Килиан Мбаппе 2024 йилдан буён «Реал» сафида тўп тепмоқда. Унинг аввалги жамоаси Франциянинг «Пари Сен-Жермен» клуби бўлган.













