Англия терма жамоасининг собиқ футболчиси Иан Райт Майкл Кэррикнинг «Манчестер Юнайтед» бош мураббийи сифатидаги келажаги ҳақида ўз фикрини билдирди.
«Мен Кэррикни қолдирган бўлардим. У ишини давом эттиришга лойиқ ва уни олиб қолмаслик телбалик бўларди. Агар «Манчестер Юнайтед» мавсумни Каррик билан бошлаганида, ҳозир чемпионлик учун курашаётган бўларди», — дея Райтнинг сўзларидан иқтибос келтиради Manchester United Forever.
Эслатиб ўтамиз, Кэррик жорий йилнинг бошида Рубен Аморимнинг ўрнини эгаллаб, «Манчестер Юнайтед» бош мураббийига айланган эди. Мавсум якунида учта тур қолаётган бир пайтда, «қизил иблислар» 64 очко жамғарган ҳолда Премьер-лига турнир жадвалида учинчи поғонани эгаллаб турибди.
