"Тоттенхэм" яримҳимоячи Гарет Бэйлнинг "Реал"га ўтганини Премьер-лиганинг 3-тури доирасида кечадиган "Арсенал"га қарши учрашувдан сўнг расмийлаштирмоқчи. Бу ҳақда Sky Sports қуйидагича хабар беради.
"Шпорлар" раҳбариятининг бундан кўзлаган мақсади ўзларига қарши ўйинда ҳамшаҳарларининг таркибларини "Реал" аъзолари Месут Озил, Карим Бензема ва Анхел Ди Мариялар билан кучайтира олишига йўл қўймасликдир.
Шунинг учун ҳам "Тоттенхэм" Бэйлнинг "Реал"га ўтганини расмийлаштиришни трансфер ойнасининг сўнгги кунларигача чўзиш ниятида.