Дарвозабон Мануэль Нойер катта эҳтимол билан «Бавария»да қолади. Kicker нашрининг маълумотларига кўра, 40 ёшли голкипер Мюнхен клуби билан 2027 йилнинг 30 июнигача мўлжалланган янги шартнома имзолаш арафасида турибди. Янги келишув ҳақида келгуси ҳафтада расман эълон қилиниши кутилмоқда.
Мануэль Нойер 2011 йилда «Шальке»дан «Бавария»га 30 миллион евро эвазига ўтган эди. Унинг амалдаги шартномаси 2026 йилнинг 30 июнига қадар мўлжалланган.
Жорий мавсумда дарвозабон Мюнхен клуби сафида барча турнирларда 35 та ўйин ўтказиб, ўз дарвозасидан 38 та тўп олиб чиқди, 11 та учрашувда эса дарвозаси дахлсизлигини сақлаб қолди.
