Мюнхенда «Бавария» билан қайд этилган дуранг (1:1) «ПСЖ»га кетма-кет иккинчи йил Чемпионлар лигаси финалига чиқиш имконини берди. Жавоб ўйинидан сўнг парижликлар ҳужумкор ярим ҳимоячиси Хвича Кварацхелия ўз фикрларини билдирди.

«Финалда эканимиздан жуда хурсандман. «Арсенал»га қарши ўйин оғир кечишини биламиз. «Бавария» — айни дамда дунёнинг энг кучли жамоаларидан бири. Бу жуда мураккаб бўлди. Мавсумдаги энг оғир ўйинимизни ўтказдик. Биз бундай жамоаларга қарши ўйнай олишимизни кўрсатдик. Мен ушбу клуб учун боримни бераман», — дея Кварацхелиянинг сўзларини келтирмоқда BBC.

Чемпионлар лигасининг «ПСЖ» ва «Арсенал» жамоалари ўртасидаги финал учрашуви 30 май, шанба куни Будапештда бўлиб ўтади.