«Ньюкасл» ярим ҳимоячиси Энтони Гордон «Барселона»нинг трансфер рўйхатидан жой олди. Diario SPORT нашрининг хабарига кўра, Каталония клуби скаутлари инглиз футболчиси ҳақида ижобий хулосалар беришган. Клуб аллақачон унинг агентлари билан алоқа ўрнатган бўлса-да, бу трансферни амалга ошириш анча мураккаб деб ҳисобланмоқда.
«Ньюкасл» ўз футболчисини 90 миллион еврога баҳоламоқда. Шунингдек, футболчини «Бавария», «Ливерпуль», «Манчестер Юнайтед» ва «Арсенал» клублари ҳам кузатиб бормоқда.
«Барселона» Гордонни ҳужумнинг чап қаноти учун асосий номзод сифатида кўрмоқда. Бироқ, ҳар қандай йирик молиявий сарф-харажат жамоанинг марказий ҳужумчи борасидаги танловига боғлиқ бўлиб турибди.
