«Ковентри» жамоасини муддатидан олдин АПЛга олиб чиққан 47 ёшли мутахассис Фрэнк Лэмпард ўзининг мураббийлик ёндашуви ҳақида фикр билдирди.

«Мураббийлик фаолиятини бошлаганингизда, бу футболчилик давридан мутлақо фарқ қилишини тушунасиз. Менга мураббийлик жараёни катта таъсир кўрсатган. Бир неча кун давомида Пеп Гвардиоланинг ишини кузатдим ва лол қолдим: «Вау, у машғулот майдонининг марказида шунчалик ғайратли». Кейин бошқа мураббийларнинг, жумладан Эдди Хаунинг ишини кўрдим. Шунда ўйланиб қоласиз: мураббий қандай кўринишда бўлиши керак? Мен ким бўлмоқчиман? Тактик даҳо бўлишними? Футболчилар билан қандай ишлашни хоҳлайман? Ишни бошлаганингизда эса, вазиятни ўзингиз учун янада мураккаблаштириб юборишингиз мумкин.

Кўпчилигимиз Пепдан мутлақо бошқача шароитда ишлаймиз. У ўз меҳнати билан ҳозирги даражасига ва шундай ажойиб жамоага эга бўлишга лойиқ. Лекин ҳар биримизнинг ўз йўлимиз бор. Шу сабабли, Пеп ўз жамоаси билан кўрсатадиган ўйинни такрорлашга уриниш ҳар доим ҳам самара бермайди. Шундай экан, айнан ўзинг ким бўлишни хоҳлашингни тушуниб олишинг керак», — деди Лэмпард.