Испания матбуоти «Реал»нинг икки ярим ҳимоячиси Федерико Вальверде ва Орельен Тчуамени ўртасидаги муштлашувни муҳокама қилишда давом этмоқда. Футболчилар ўзаро муштлашиб кетишган ва жамоадошлари уларни ажратиб қолишга мажбур бўлишган.

Вазият давомида Вальверде жиддий жароҳат олиб, яқин атрофдаги шифохонага йўл олган эди. AS нашрининг янги маълумотларига кўра, шифохонада футболчига «Реал» бош мураббийи Альваро Арбелоа ҳамроҳлик қилган. Уругвайлик футболчининг жароҳати тикилган ва қисқа муолажадан сўнг унга уйига кетишга рухсат берилган.

Ҳозирда «Реал» Испания чемпионати турнир жадвалида иккинчи ўринда бормоқда ва пешқадам «Барселона»дан 11 очко ортда қолмоқда.