«Астон Вилла» ва «Фрайбург» 2025/26 йилги мавсумда Европа Лигасининг финалчиларига айланишди.
Ярим финал босқичида «Астон Вилла» «Ноттингем Форест»ни (0:1; 4:0), «Фрайбург» эса «Брага»ни (1:2; 3:1) мусобақадан чиқариб юборди.
Ҳал қилувчи учрашув 20 май куни Истанбулдаги «Бешиктош» стадионида бўлиб ўтади. Ҳар икки жамоа ўз тарихида илк бор Европа Лигаси финалида майдонга тушади.
«Астон Вилла» бош мураббийи Унаи Эмери ўз фаолиятида олтинчи бор ушбу турнир финалига чиқди. Унинг ҳисобида Европа Лигаси кубоги учун кечган баҳсларда бешта ғалаба ва битта мағлубият мавжуд.
