«Кристал Пэлас» ярим ҳимоячиси Адам Уортон «Ливерпуль»га ўтиши мумкин. Мерсисайдликлар бозорда талаб юқори бўлган инглиз футболчиси учун курашда ғалаба қозонишга қатъий қарор қилишган, шу сабабли аллақачон «Кристал Пэлас» билан музокараларни режалаштириб қўйишган, деб хабар бермоқда журналист Николо Скира. Аввалроқ, 22 ёшли футболчига «Манчестер Юнайтед», Мадриднинг «Реал» клуби ва бошқа грандлар қизиқиш билдираётгани ҳақида хабар берилган эди.

Transfermarkt портали экспертлари Адам Уортоннинг қийматини 60 млн еврога баҳоламоқда. Жорий мавсумда ярим ҳимоячи «бургутлар» сафида барча турнирларда 48 та ўйин ўтказиб, ўз ҳисобига еттита голли узатмани ёздириб қўйди. Пайшанба куни футболчи жамоасига Конференциялар Лигаси финали йўлланмасини қўлга киритишда ёрдам берди.