Мюнхеннинг «Бавария» клуби ҳимоячиси Альфонсо Дэвис сафдан чиқди. Бу ҳақда жамоа бош мураббийи Венсан Компанига таяниб Bild нашри хабар бермоқда.
Футболчи Чемпионлар Лигаси ярим финали доирасида «ПСЖ»га қарши кечган жавоб учрашувида (1:1) навбатдаги мушак жароҳатини олди ва Германия чемпионатининг яқинлашиб келаётган «Вольфсбург» билан ўйинида майдонга туша олмайди. Ҳозирча аниқ ташхис қўйилмаган — клуб тиббий кўрик натижаларини кутмоқда.
Агар Дэвисда мушак йиртилиши тасдиқланса, у нафақат Бундеслига баҳсини, балки «Штутгарт»га қарши бўлиб ўтадиган Германия Кубоги финалини ҳам ўтказиб юбориши хавфи бор.
Канадалик футболчи учун бу 2025 йил декабрида майдонга қайтганидан кейинги учинчи мушак жароҳатидир.
