Оливер Кан Мюнхен жамоасининг Венсан Компани бошқарувидаги иштирокига баҳо берди. Германия клуби яқинда ярим финал босқичида Франциянинг «ПСЖ» жамоасига имкониятни бой бериб (икки ўйин натижасига кўра 5:6), Чемпионлар Лигасини тарк этди.
«Сўнгги ҳафталарда биз Компани тизими катта таваккалчилик билан боғлиқ эканини кўрдик. Ушбу тизим кичик бўлса-да назоратни йўқотса, унинг қанчалик заиф эканлиги дарҳол кўзга ташланади. «ПСЖ»га қарши ўйинда айнан шундай ҳолат юз берди», — дея Каннинг сўзларини келтиради Sky Sport.
Эслатиб ўтамиз, бельгиялик мутахассис «Бавария»ни 2024 йилнинг июль ойида бошқаришни бошлаган эди. Унинг қўл остида мюнхенликлар икки бор Германия чемпионлигини қўлга киритишди.
