«Аталанта» клуби яқин орада ўзининг янгиланган логотипини намойиш қилиши кутилмоқда.
Клубнинг ижтимоий тармоқларида видеоролик пайдо бўлди: унда ёш бола янги эмблеманинг эскизини чизаётгани тасвирланган. Видеода муҳим сана — 2026 йил 22 май кўрсатилган.
Prima Bergamo ва Бергамонинг бошқа ОАВлари берган маълумотларга кўра, янги логотип доира шаклида бўлиб, ундаги ягона элемент қадимги юнон мифологияси қаҳрамони ва клуб рамзи ҳисобланган Аталантанинг профили (ён томондан кўриниши) бўлади. Амалдаги версия эса овал шаклида бўлиб, унда «Atalanta» ва «1907» ёзувлари мавжуд эди.
Тармоқларда аллақачон клуб дўконидаги янги эмблема туширилган кепка ва худиларнинг суратлари тарқалиб улгурди.
