Таниқли инсайдер Фабрицио Романо Жозе Моуриньонинг «Реал» бош мураббийи этиб тайинланиши мумкинлиги ҳақидаги миш-мишларни яна бир бор кўтарди. Романонинг маълумотларига кўра, «Реал» Моуриньо билан музокараларни бошлаган ва ҳозирда тўғридан-тўғри алоқалар олиб борилмоқда.
«Ҳаммаси Флорентино Пересга боғлиқ: Моуриньо қайтадими ёки йўқ — буни у ҳал қилади», — деб ёзди Романо ижтимоий тармоқларда.
Ҳозирда «Бенфика» Жозе Моуриньони мураббийлик лавозимида сақлаб қолмоқчи, бироқ ҳамма нарса «Реал»нинг қарорига боғлиқ бўлиб турибди. Маълумки, Моуриньо 2010–2013 йилларда «Реал»ни бошқарган.
