Taniqli insayder Fabrisio Romano Joze Mourinyoning «Real» bosh murabbiyi etib tayinlanishi mumkinligi haqidagi mish-mishlarni yana bir bor ko‘tardi. Romanoning ma’lumotlariga ko‘ra, «Real» Mourinyo bilan muzokaralarni boshlagan va hozirda to‘g‘ridan-to‘g‘ri aloqalar olib borilmoqda.

«Hammasi Florentino Peresga bog‘liq: Mourinyo qaytadimi yoki yo‘q — buni u hal qiladi», — deb yozdi Romano ijtimoiy tarmoqlarda.

Hozirda «Benfika» Joze Mourinyoni murabbiylik lavozimida saqlab qolmoqchi, biroq hamma narsa «Real»ning qaroriga bog‘liq bo‘lib turibdi. Ma’lumki, Mourinyo 2010–2013 yillarda «Real»ni boshqargan.