Мюнхеннинг «Бавария» клуби ёзда 26 ёшли немис ҳужумчиси Кай Хаверц билан шартнома имзолашни режалаштирмоқда. Бу ҳақда Fussballdaten хабар берди.

Инсайдерларнинг маълум қилишича, «Бавария»нинг мураббийлар штаби футболчини жамоанинг ҳужумини кучайтириш учун зарур сифатларга эга деб ҳисоблайди.

Хаверц 2023 йилдан бери «Арсенал»да ўйнаб келмоқда, аввал эса «Челси»да тўп сурган.

Жорий мавсумда жароҳатлар туфайли у Лондон жамоаси сафида фақат 20 та ўйинда майдонга тушди, шуларда 5 та гол урди ва 4 та голли узатма амалга оширди.