Англия терма жамоасининг собиқ футболчиси Дэвид Бекхэм тарихдаги энг яхши футболчи ким деган саволга жавоб берди.
«Бу жуда осон. Месси. У ҳам майдонда, ҳам майдон ташқарисида энг яхшиси», — деди Бекхэм YouTube’даги Complex канали кўрсатувида.
Айтиш жоизки, Дэвид Бекхэм «Интер Майами» клубининг асосий инвестори ҳисобланади. Лионель Месси салкам уч йилдан бери ушбу клуб шарафини ҳимоя қилиб келмоқда.
Лионель Месси «Олтин тўп» совринлари сони бўйича рекордчи ҳисобланади — аргентиналик юлдуз фаолияти давомида саккиз марта ушбу нуфузли мукофотни қўлга киритган.
